成日返工都會經過呢間餐廳 見到個餐廳名後一直都好想黎一試究竟！
到底有幾掂先可以叫餃掂
今日就帶同為餃子迷得朋友一齊黎探探店
睇睇食物配唔配得上掂呢個詞
。
灼至尊松茸豬肉餃跟狀醃九鼎湯 (中碗8隻) $73
分開上枱有好有壞..好在唔怕餃子有機會浸到皮變軟爛
但亦壞在令餃子係冬天氣溫下快速降溫變凍。
$73 8隻餃子真係算貴了。所以餃子用料同份量好重要！
滿滿的肉餡入口好鮮味...初嚐松茸的小妹就被濃濃的香氣吸引了
配上十分清甜的九鼎湯係一個好特別的配搭！
但小妹覺得可能煎餃會更能帶出松茸的香氣
招牌果然係招牌，已成功令我會回頭了
。
龍凰松茸雙煎餃(8隻) $86
金黃的煎餃一上枱就令人食慾大增
每一面都唔馬虎～好 脆卜卜呀
一入口濃烈的黑松露香氣撲面而來 真係一啲都唔慳料
食食下發現黑。白松露係分開的！但毫無影響一樣的出色:
。
黃金原味皮蛋 $28
溏心皮蛋嘅口感真係會令人一啖接一啖 停不下來
但醬汁有點兒不太夾。太酸了
。
四川涼皮 $32
滑溜溜的涼皮 好煙韌 好有咬口
唔會一夾就斷 呢方面好值得讚賞。。
口味都夠哂重 夠哂足料！
。
雲吞湯麵(12隻) $49
是日唯一一樣令我大為失望的餐點
麵太淋 毫無口感 輕輕一咬就爛
雲吞皮太重鹼水味。皮太厚 口感食落好差
若果當日我入黎只食一碗雲吞麵的話 會令我blacklist呢間餐廳
。
so far餃子真係對得起餃掂啲個店名！
十分推介比各位餃子迷
Search